ബാഴ്സലോണ മിഡ്ഫീൽഡർ പെഡ്രി പുതിയ കരാറിൽ ഒപ്പുവച്ചു. 2030 ജൂൺ 30 വരെ ക്ലബിൽ താരം നിൽക്കുന്ന കരാർ ആണ് ഒപ്പുവെച്ചിരിക്കുന്നത്. ഇന്ന് ഇതു സംബന്ധിച്ച ഔദ്യോഗിക പ്രഖ്യാപനം വന്നു.
2019 ൽ ബാഴ്സലോണയിൽ ചേർന്ന പെഡ്രി ഇപ്പോൾ ടീമിന്റെ അവിഭാജ്യ ഘടകമാണ്. വെറും 22 വയസ്സുള്ളപ്പോൾ തന്നെ, ലോകത്തിലെ ഏറ്റവും മികച്ച മിഡ്ഫീൽഡർമാരിൽ ഒരാളായി അദ്ദേഹത്തെ ഫുട്ബോൾ നിരീക്ഷകർ വിലയുരുത്തുന്നു. അവസാന സീസണുകളിൽ പെഡ്രി പരിക്ക് കാരണം ഏറെ ബുദ്ധിമുട്ടിയിരുന്നു. എന്നാൽ ഇപ്പോൾ പെഡ്രി ഹാൻസി ഫ്ലിക്കിന്റെ ടീമിലെ സജീവ സാന്നിദ്ധ്യമാണ്.
