മൊണാക്കോയുടെ റെന്നസിനെതിരായ മത്സരത്തിനുള്ള സ്ക്വാഡിൽ പോൾ പോഗ്ബയെ ഔദ്യോഗികമായി ഉൾപ്പെടുത്തി. 2023 സെപ്റ്റംബറിന് ശേഷം പോഗ്ബയുടെ ആദ്യ മത്സരമാണിത്. ഡോപ്പിംഗ് കേസിൽ ആദ്യം നാല് വർഷം വിലക്കേർപ്പെടുത്തിയിരുന്നെങ്കിലും, അപ്പീലിനെത്തുടർന്ന് 18 മാസമായി കുറച്ച വിലക്ക് കാരണം 32-കാരനായ ഈ മിഡ്ഫീൽഡർ കളിക്കളത്തിൽ നിന്ന് വിട്ടുനിൽക്കുകയായിരുന്നു.
2024-ന്റെ അവസാനത്തിൽ യുവന്റസ് വിട്ട പോഗ്ബ 2025 വേനൽക്കാലത്താണ് മൊണാക്കോയുമായി രണ്ട് വർഷത്തെ കരാറിൽ ഒപ്പുവെച്ചത്. അതിനുശേഷം താരം മത്സരത്തിന് ആവശ്യമായ ഫിറ്റ്നസ് വീണ്ടെടുക്കുകയായിരുന്നു.
പോഗ്ബയുടെ നീണ്ട ഇടവേളയ്ക്ക് ശേഷവും താരത്തിന്റെ കഴിവുകളും, കളിയെക്കുറിച്ചുള്ള കാഴ്ചപ്പാടും, നേതൃപാടവവും നഷ്ടമായിട്ടില്ലെന്ന് മൊണാക്കോ മാനേജർ സെബാസ്റ്റ്യൻ പോക്കോഗ്നോളി അഭിപ്രായപ്പെട്ടു.
പോഗ്ബയുടെ തിരിച്ചുവരവിൽ അദ്ദേഹം ശുഭാപ്തിവിശ്വാസം പ്രകടിപ്പിച്ചു. മുൻ മാഞ്ചസ്റ്റർ യുണൈറ്റഡ്, യുവന്റസ് താരം മൊണാക്കോയുടെ മിഡ്ഫീൽഡ് തന്ത്രത്തിൽ സ്വാധീനം ചെലുത്താൻ കഴിവുള്ള ഒരു മൂല്യവത്തായ കൂട്ടിച്ചേർക്കലായിട്ടാണ് കണക്കാക്കപ്പെടുന്നത്. രണ്ട് വർഷത്തിലേറെ നീണ്ട ഇടവേളയ്ക്ക് ശേഷം ലിഗ് 1 വേദിയിലേക്ക് തിരിച്ചെത്തുന്ന പോഗ്ബയുടെ പ്രകടനത്തിനായി ആരാധകർ ആകാംഷയോടെ കാത്തിരിക്കുകയാണ്.
