തൊടുപുഴയിൽ വെച്ച് നടക്കുന്ന 43ആമത് സംസ്ഥാന സബ് ജൂനിയർ ഫുട്ബോൾ ചാമ്പ്യൻഷിപ്പിൽ പാലക്കാടിന് കിരീടം. ഇന്ന് നടന്ന ഫൈനലിൽ തൃശ്ശൂരിനെ തോൽപ്പിച്ച് ആണ് പാലക്കാട് കിരീടം ഉയർത്തിയത്. ഒന്നിനെതിരെ രണ്ടു ഗോളുകൾക്ക് ആയിരുന്നു പാലക്കാടിന്റെ വിജയം. പാലക്കാടിനായി മുഹമ്മദ് സിനാൻ രണ്ട് ഗോളുകൾ നേടി. അഞ്ചാം മിനുറ്റിലും 57ആം മിനുട്ടിലും ആയിരുന്നു ഗോളുകൾ. മുഹമ്മദ് ഫിനാൻ അജ്മൽ തൃശ്ശൂരിന്റെ ഏക ഗോൾ നേടി.
സെമി ഫൈനലിൽ കണ്ണൂരിനെ തോൽപ്പിച്ച് ആയിരുന്നു പാലക്കാട് ഫൈനലിലേക്ക് എത്തിയത്. അതിനു മുമ്പ് ഗ്രൂപ്പ് ഘട്ടത്തിൽ ചാമ്പ്യന്മാരാകാനും പാലക്കാടിനായിരുന്നു. കാസർഗോഡിനെതിരെയും പത്തനംതിട്ടക്ക് എതിരെയും ആറ് ഗോളടിച്ച് വലിയ വിജയം നേടിയാണ് പാലക്കാട് ഗ്രൂപ്പ് സി ചാമ്പ്യന്മാരായത്.
