കാലിന് ഗുരുതരമായി പരിക്കേറ്റ് അഞ്ച് മാസത്തോളമായി പുറത്തായിരുന്ന മാഞ്ചസ്റ്റർ സിറ്റി യുവ താരം ഓസ്കർ ബോബ് തിരികെയെത്തി. നോർവീജിയൻ ഫോർവേഡ് ഓസ്കാർ ബോബ് മാഞ്ചസ്റ്റർ സിറ്റി ഫസ്റ്റ് ടീം പരിശീലനത്തിലേക്ക് തിരികെയെത്തി. കഴിഞ്ഞ വേനൽക്കാലത്ത് സിറ്റിയുടെ പ്രീ-സീസൺ പര്യടനത്തിനിടെ മികച്ച പ്രകടനം കാഴ്ചവെച്ച ബോബ്, സിറ്റി ഫുട്ബോൾ അക്കാദമിയിലെ പരിശീലന സെഷനിൽ കാലിലെ എല്ലിന് പൊട്ടലുണ്ടായതിനെ തുടർന്ന് ഓഗസ്റ്റ് മുതൽ ടീമിൽ നിന്ന് വിട്ടുനിൽക്കുകയായിരുന്നു.
21-കാരൻ ശസ്ത്രക്രിയയ്ക്ക് വിധേയനായിരുന്നു. ബോബ് തിരികെയെത്തുന്നത് മാഞ്ചസ്റ്റർ സിറ്റിക്ക് ആശ്വാസമാകും. ഈ സീസണിൽ മാഞ്ചസ്റ്റർ സിറ്റി പരിക്ക് കാരണം ഏറെ ബുദ്ധിമുട്ടിയിരുന്നു.
ജനുവരി 13ന് സാൽഫോർഡ് സിറ്റിക്കെതിരായ സിറ്റിയുടെ എഫ്എ കപ്പ് മൂന്നാം റൗണ്ട് മത്സരത്തിൽ ബോബ് മാച്ച് സ്ക്വാഡിൽ ഉണ്ടാകും എന്ന് പ്രതീക്ഷിക്കപ്പെടുന്നു.
