ലയണൽ മെസ്സി ഈ ലോകകപ്പ് കഴിഞ്ഞും വിരമിക്കാതെ അർജന്റീനക്കായി ഫുട്ബോൾ കളിക്കണം എന്നാണ് തങ്ങളുടെ ആഗ്രഹം എന്ന് അർജന്റീന പരിശീലകൻ സ്കലോണി. മെസ്സി തുടർന്നും കളിക്കുമെന്ന് ഞങ്ങൾ പ്രതീക്ഷിക്കുന്നു. ഞങ്ങൾ മെസ്സിയെ ആസ്വദിക്കുന്നത് തുടരും. ഞങ്ങൾക്കും ഫുട്ബോൾ ലോകത്തിനും മെസ്സിയുടെ ഫുട്ബോൾ ആസ്വദിക്കുക എന്നത് പ്രധാന കാര്യമാണ്. സെമി ഫൈനലിന് മുന്നോടിയായി സ്കലോനി മാധ്യമപ്രവർത്തകരോട് പറഞ്ഞു.
മെസ്സിയെ എനിക്കറിയാം, അവൻ എപ്പോഴും വിജയിക്കാനായാണ് കളത്തിൽ ഇറങ്ങുന്നത്. മെസ്സിക്ക് ഫുട്ബോൾ കളി തുടരാനുള്ള വലിയ ആഗ്രഹമുണ്ട്, അത് ഞങ്ങളെ സന്തോഷിപ്പിക്കുന്നു. പി എസ് ജിയിലും മെസ്സി സന്തോഷവനാണെന്ന് താൻ വിശ്വസിക്കുന്നു. പാരീസിൽ മെസ്സിയും കുടുംബവും സന്തോഷത്തിലാണ്, സ്കലോനി കൂട്ടിച്ചേർത്തു.
ഇന്ന് രാത്രി ലോകകപ്പ് സെമി ഫൈനലിൽ ക്രൊയേഷ്യയെ നേരിടാൻ ഒരുങ്ങുകയാണ് അർജന്റീന.
