മോഹൻ ബഗാൻ സൂപ്പർ ജയന്റ് തങ്ങളുടെ പുതിയ പരിശീലകനായി സെർജിയോ ലൊബേറ റോഡ്രിഗസിനെ നിയമിച്ചുകൊണ്ട് ഒരു പുതിയ യുഗത്തിന് തുടക്കം കുറിച്ചു. ജോസ് മോളിനയ്ക്ക് പകരക്കാരനായാണ് ലൊബേറ ടീമിലെത്തുന്നത്. അടുത്തിടെ ഒഡീഷ എഫ്സിയുമായി വേർപിരിഞ്ഞ ലൊബേറ, നവംബർ 25-നാണ് കരാറിൽ ഒപ്പുവെച്ചത്. സീസൺ അവസാനം വരെ ടീമിനെ നയിക്കാൻ അദ്ദേഹം സജ്ജനാണ്.
നവംബർ 30-ന് മറീനേഴ്സിനൊപ്പമുള്ള തന്റെ പരിശീലന സെഷനുകൾ അദ്ദേഹം ആരംഭിക്കും. മുൻ ക്ലബ്ബുകൾക്കൊപ്പം ഐഎസ്എൽ കിരീടവും ഷീൽഡും സൂപ്പർ കപ്പും നേടിയ പരിശീലകൻ ആണ് ലൊബേറ.
