ഐ ലീഗിൽ ഗോകുലം കേരള ഇന്ന് മൊഹമ്മദൻസിനെതിരെ സമനില നേടി. ഇന്ന് കൊൽക്കത്തയിൽ നടന്ന മത്സരത്തിൽ 1-1 എന്ന സ്കോറിനാണ് മത്സരം അവസാനിച്ചത്. ആദ്യ പകുതിയിൽ ഒരു സെൽഫ് ഗോളാണ് മൊഹമ്മദൻസിന് ലീഡ് നൽകിയത്. ഹക്കുവാണ് നാൽപ്പതാം മിനുട്ടിൽ സെൽഫ് ഗോൾ സ്കോർ ചെയ്തത്. ഇതിന് 64ആം മിനുട്ടിൽ ശ്രീകുട്ടൻ മറുപടി നൽകി. ഇത് ഗോകുലം കേരളക്ക് സമനിലയും നൽകി.
ഈ സമനിലയോടെ മൊഹമ്മദൻസ് 8 മത്സരങ്ങളിൽ നിന്ന് 20 പോയിന്റുമായി ലീഗിൽ ഒന്നാമത് നിൽക്കുകയാണ്. 13 പോയിന്റുള്ള ഗോകുലം കേരള ആറാം സ്ഥാനത്ത് നിൽക്കുകയാണ്.
