ലീഗ് കപ്പ് സെമി ഫൈനലിൽ ചെൽസിയെ ഞെട്ടിച്ച് ചാമ്പ്യൻഷിപ്പ് ക്ലബായ മിഡിൽസ്ബ്രോ. മുൻ മാഞ്ചസ്റ്റർ യുണൈറ്റഡ് താരം കാരിക്ക് പരിശീലിപ്പിക്കുന്ന ബോറോ മറുപടിയില്ലാത്ത ഒരു ഗോളിനാണ് വിജയിച്ചത്. മിഡിൽസ്ബ്രോയുടെ ഹോം ഗ്രൗണ്ടിൽ വെച്ചായിരുന്നു ആദ്യ പാദ സെമി ഫൈനൽ നടന്നത്. ജനുവരി 23ന് രണ്ടാം പാദ സെമി നടക്കും.
മത്സരത്തിന്റെ 37ആം മിനുട്ടിൽ ഹയ്ഡൻ ഹാക്നി ആണ് ബോറോക്കായി ഗോൾ നേടി. ഈ ഗോൾ വിജയ ഗോളായി മാറി. ചെൽസി നിരവധി അവസരങ്ങൾ സൃഷ്ടിച്ചു എങ്കിലും സമനില ഗോൾ കണ്ടെത്താൻ ചെൽസിക്ക് ആയില്ല. ഇന്ന് രണ്ടാം സെമിയിൽ ലിവർപൂൾ ഫുൾഹാമിനെ നേരിടും.