കോൺകാഫ് ചാമ്പ്യൻസ് കപ്പ് റൗണ്ട് ഓഫ് 16 ന്റെ രണ്ടാം പാദത്തിൽ ഇന്റർ മയാമി കവലിയറിനെതിരെ 2-0 ന് വിജയം നേടി ക്വാർട്ടറിലേക്ക് മുന്നേറി. ലയണൽ മെസ്സി പരിക്ക് മാറി എത്തി ഇന്ന് ഗോൾ നേടി വിജയത്തിൽ നിർണായക പങ്കുവഹിച്ചു. അവസാന മൂന്ന് മത്സരങ്ങൾ നഷ്ടമായ മെസ്സി ഇന്ന് 53-ാം മിനിറ്റിൽ ആണ് കളത്തിലിറങ്ങിയത്. 92ആം മിനുറ്റിൽ ആയിരുന്നു മെസ്സിയുടെ ഗോൾ.
37-ാം മിനിറ്റിൽ പെനാൽറ്റിയിലൂടെ ലൂയിസ് സുവാരസ് ഒരു പെനാൽറ്റിയിലൂടെ ഗോൾ നേടി മയാമിയെ ആദ്യ പകുതിയിൽ മുന്നിലെത്തിച്ചിരുന്നു. 4-0 അഗ്രഗേറ്റ് വിജയത്തോടെ ആണ്, ഇന്റർ മയാമി ക്വാർട്ടർ ഫൈനലിലേക്ക് മുന്നേറിയത്.
