കൊളംബസ്: കൊളംബസ് ക്രൂവിനെ അവരുടെ തട്ടകത്തിൽ മറുപടിയില്ലാത്ത ഒരു ഗോളിന് തോൽപ്പിച്ച് ഇന്റർ മയാമി. 30-ാം മിനിറ്റിൽ ബെഞ്ചമിൻ ക്രെമാഷിയാണ് മയാമിക്കായി വിജയ ഗോൾ നേടിയത്. ലയണൽ മെസ്സി 90 മിനിറ്റും കളത്തിൽ നിറഞ്ഞുനിന്നു, മധ്യനിരയിൽ കളി മെനയുകയും നിരവധി അവസരങ്ങൾ സൃഷ്ടിക്കുകയും ചെയ്തുവെങ്കിലും ഇത്തവണ ഗോൾ നേടാനായില്ല.
കൊളംബസ് സമനില ഗോളിനായി ശക്തമായി മുന്നേറ്റം നടത്തിയെങ്കിലും മിയാമിയുടെ പ്രതിരോധം ഉറച്ചുനിന്നു, ഇത് അവർക്ക് നിർണായകമായ എവേ ക്ലീൻ ഷീറ്റ് സമ്മാനിച്ചു.
ഈ വിജയത്തോടെ ഇന്റർ മിയാമി എട്ട് മത്സരങ്ങളിൽ നിന്ന് 18 പോയിന്റുമായി ഈസ്റ്റേൺ കോൺഫറൻസിൽ മൂന്നാം സ്ഥാനത്ത് നിൽക്കുകയാണ്.
