ചരിത്രം കണ്ട എക്കാലത്തെയും മികച്ച ഫുട്ബോൾ താരമാണ് മെസ്സിയെന്ന് ബ്രസീലിയൻ ഇതിഹാസം റൊണാൾഡീഞ്ഞോ. മെസ്സി ഫുട്ബോളിൽ ചെയ്തത് പോലെ ഒരു താരവും ഫുട്ബോളിൽ ചെയ്തിട്ടില്ലെന്നും റൊണാൾഡീഞ്ഞോ പറഞ്ഞു. മെസ്സി ഫുട്ബോളിൽ നിന്ന് വിരമിക്കുമ്പോൾ മെസ്സിയുടെ നമ്പറായ 10 നമ്പർ ബാഴ്‌സലോണ മറ്റൊരു താരത്തിന് നൽകരുതെന്നും റൊണാൾഡീഞ്ഞോ പറഞ്ഞു.
“മെസ്സി ഒരു 20 വർഷം കൂടി കളിക്കണമെന്നാണ് തന്റെ ആഗ്രഹം. ഫുട്ബോളിനെ സ്നേഹിക്കുന്നവർ എല്ലാം മെസ്സി കൂടുതൽ കാലം കളിക്കണമെന്ന് ആഗ്രഹിക്കുന്നവരാണ്. മെസ്സി വിരമിച്ചുകഴിഞ്ഞാൽ 10 നമ്പർ ജേഴ്സി ബാഴ്‌സലോണ മറ്റൊരു താരത്തിനും കൊടുക്കരുത്” റൊണാൾഡീഞ്ഞോ പറഞ്ഞു. ക്രിസ്റ്റ്യാനോ റൊണാൾഡോയെ പോലെ മെസ്സി ഒരു സമ്പൂര്‍ണ്ണ കളിക്കാരൻ ആണെന്ന് ഉള്ളതല്ല മറിച്ച് ഫുട്ബോളിൽ ഞാൻ മെസ്സിയുടെ ശൈലി ആണ് ഇഷ്ട്ടപെടുന്നതെന്നും താരം പറഞ്ഞു.
താൻ ഇപ്പോഴത്തെ ബാഴ്‌സലോണയുടെയും ബ്രസിലിന്റെയും താരമായ കൂട്ടീഞ്ഞോയുടെ കൂടെ കളിക്കാൻ ആഗ്രഹിക്കുന്നുണ്ടെന്നും റൊണാൾഡീഞ്ഞോ പറഞ്ഞു.
