മെസ്സിയല്ല ലോകത്തെ ഏറ്റവും മികച്ച താരം എന്ന് പറയുന്നവർ മെസ്സി ലോകകപ്പ് നേടി എന്നത് കൊണ്ട് അവരുടെ അഭിപ്രായം മാറ്റാൻ പോകുന്നില്ല എന്ന് ബാഴ്സലോണ ഇതിഹാസം ഇനിയേസ്റ്റ. അവർ മെസ്സി ലോകകപ്പ് നേടി എങ്കിലും അദ്ദേഹം അല്ല GOAT എന്ന് പറയാൻ നിരവധി കാരണങ്ങൾ പുതുതായി കണ്ടെത്തും എന്നും ഇനിയേസ്റ്റ പറഞ്ഞു.
എന്നെ സംബന്ധിച്ച് മെസ്സി ആണ് ലോകത്തെ മികച്ച താരം. അത് അദ്ദേഹം ലോകകപ്പ് നേടും മുമ്പ് തന്നെ അങ്ങനെയാണ്. മെസ്സി ലോകകപ്പ് നേടിയാലും ഇല്ലെങ്കിലും അദ്ദേഹമായിരിക്കും മികച്ച താരം. ഇനിയേസ്റ്റ പറഞ്ഞു. ലോകകപ്പ് നേടി എന്നതിൽ മെസ്സി അതീവ സന്തോഷവാൻ ആണ്. ബാക്കിയുള്ളവർ ആ നേട്ടത്തെ കുറിച്ചു എന്ന് ചിന്തിക്കുന്നതിനേക്കാൾ അദ്ദേഹം ഈ നേട്ടത്തിൽ സന്തോഷിക്കുന്നു എന്നതാണ് കാര്യം. മെസ്സിയും അർജന്റീനയും ഈ ലോകകപ്പ് നേട്ടത്തിൽ സന്തോഷത്തിലാണ്. അവർ ഈ ലോകകപ്പ് പൂർണ്ണമായും അർഹിക്കുന്നുണ്ട് എന്നും ഇനിയേസ്റ്റ പറഞ്ഞു.
