ലയണൽ മെസ്സി 2026 ഫിഫ ലോകകപ്പിൽ കളിക്കാൻ ആഗ്രഹിക്കുന്നു എന്ന് അർജന്റീന പരിശീലകൻ ലയണൽ സ്കലോണി വെളിപ്പെടുത്തി, എന്നാൽ ഇതിൽ ഔദ്യോഗികമായി തീരുമാനമെടുക്കാൻ ഇനിയും സമയമായിട്ടില്ല എന്ന് അദ്ദേഹം ഊന്നിപ്പറഞ്ഞു.
“ആദ്യം പറയേണ്ട കാര്യം, ലോകകപ്പിന് മുമ്പ് ഏറെ സമയം ഇനിയും ബാക്കിയുണ്ടെന്നാണ്. അദ്ദേഹം ലോകകപ്പിൽ കളിക്കാൻ ആഗ്രഹിക്കുന്നുവെന്നും അദ്ദേഹത്തിനും സഹതാരങ്ങൾക്കും അറിയാം,” സ്കലോണി DSPORTS-നോട് പറഞ്ഞു. “കാര്യങ്ങൾ എങ്ങനെ പുരോഗമിക്കും എന്ന് കാത്തിരുന്ന് കാണേണ്ടിവരും. നമ്മൾ എന്താണ് ചിന്തിക്കുന്നതെന്ന് അദ്ദേഹത്തിന് (മെസ്സി) അറിയാം, അദ്ദേഹം നമ്മളിൽ ഏറ്റവും ബുദ്ധിയുള്ള ആളാണ്.” – സ്കലോണി പറഞ്ഞു.
കഴിഞ്ഞ വർഷം തന്റെ രണ്ടാമത്തെ കോപ്പ അമേരിക്ക നേടിയതിന് ശേഷം അന്താരാഷ്ട്ര ഫുട്ബോളിൽ നിന്ന് വിരമിക്കാനുള്ള ഏഞ്ചൽ ഡി മരിയയുടെ തീരുമാനത്തെക്കുറിച്ചും സ്കലോണി സംസാരിച്ചു. ദി മരിയ ആഗ്രഹിച്ച പോലെയാണ് അദ്ദേഹം കരിയർ അവസാനിപ്പിച്ചത് എന്ന് സ്കലോണി പറഞ്ഞു.
