കിലിയൻ എംബപ്പെയുടെ അനുജൻ ആയ ഏഥൻ എംബപ്പെ പി എസ് ജി സീനിയർ ടീമിനൊപ്പം പരിശീലനം ആരംഭിച്ചു. 15കാരനായ ഏഥൻ എംബപ്പെ അവസാന കുറച്ചു കാലമായി പി എസ് ജിക്ക് യൂത്ത് ടീമിനൊപ്പം ഉണ്ട്. പ്രീസീസണിൽ പി എസ് ജി സീനിയർ ടീമിനൊപ്പം താരം പരിശീലനം നടത്തിയിരുന്നു. ഏഥൻ എംബാപ്പെ മധ്യനിര താരമാണ്. ലെഫ്റ്റ് ഫൂട്ടറും ആണ്.
കഴിഞ്ഞ സീസണിൽ യുവേഫ യൂത്ത് ലീഗിൽ സ്ഥിര സാന്നിദ്ധ്യം ആയിരുന്നു ഏഥൻ. ഏഥൻ 2024വരെ പി എസ് ജിയിൽ കരാർ ഉണ്ട്. വരും സീസണിൽ ഏഥൻ പി എസ് ജിക്കായി സീനിയർ അരങ്ങേറ്റം നടത്തും എന്നാണ് പ്രതീക്ഷിക്കുന്നത്. 2017ൽ ആയിരുന്നു ഏഥൻ പി എസ് ജിയിലേക്ക് എത്തിയത്.
