മാർച്ച് 12 ന് അത്ലറ്റിക്കോ മാഡ്രിഡിനെതിരായ യുവേഫ ചാമ്പ്യൻസ് ലീഗ് റൗണ്ട് ഓഫ് 16 രണ്ടാം പാദത്തിലെ “അടിസ്ഥാന പെരുമാറ്റ ചട്ട നിയമങ്ങൾ ലംഘിച്ചതിന്” യുവേഫ കൈലിയൻ എംബാപ്പെയ്ക്കും റയൽ മാഡ്രിഡിലെ അദ്ദേഹത്തിന്റെ രണ്ട് സഹതാരങ്ങൾക്കും പിഴ ചുമത്തി.
എംബാപ്പെയ്ക്ക് 30,000 യൂറോ പിഴയും അന്റോണിയോ റൂഡിഗറിന് 40,000 യൂറോ പിഴയും ഡാനി സെബയോസിന് 20,000 യൂറോ പിഴയും വിധിച്ചു. യുവേഫയുടെ അച്ചടക്ക നിയമത്തിലെ ആർട്ടിക്കിൾ 11 പ്രകാരമാണ് ഈ കുറ്റങ്ങൾ ചുമത്തിയിരിക്കുന്നത്
റയൽ മാഡ്രിഡിന്റെ നാടകീയമായ പെനാൽറ്റി ഷൂട്ടൗട്ട് വിജയത്തിന് ശേഷം അത്ലറ്റിക്കോ ആരാധകർക്ക് മുന്നിൽ നടന്ന പ്രകോപനപരമായ ആഘോഷങ്ങൾക്ക് ആണ് പിഴ ചുമത്തിയത്.
എംബാപ്പെയ്ക്കും റൂഡിഗറിനും ഭാവിയിൽ ഈ മോശം പെരുമാറ്റം ആവർത്തിച്ചാൽ സസ്പെൻഷൻ ലഭിക്കും. ചൊവ്വാഴ്ച ആഴ്സണലിനെതിരെ നടക്കുന്ന ചാമ്പ്യൻസ് ലീഗ് ക്വാർട്ടർ ഫൈനൽ ആദ്യ പാദ മത്സരത്തിനായി ഒരുങ്ങുകയാണ് റയൽ ഇപ്പോൾ.
