മരിയോ ബലോടെല്ലി തുർക്കി ക്ലബ്ബിൽ
മുൻ മാഞ്ചസ്റ്റർ സിറ്റി – ലിവർപൂൾ താരം മരിയോ ബലോടെല്ലിയെ സ്വന്തമാക്കി തുർക്കിഷ് ക്ലബ് അദന ഡെമിർസ്പോർ. 3 വർഷത്തെ കരാറിലാണ് താരത്തെ ക്ലബ് സ്വന്തമാക്കിയത്. 26 വർഷത്തെ കാത്തിരിപ്പിന് ശേഷംതുർക്കിഷ് ക്ലബ്അദന ഡെമിർസ്പോർ തുർക്കിയിലെ ഒന്നാം നമ്പർ ലീഗായ സൂപ്പർ ലീഗയിൽ എത്തിയിരുന്നു.
കഴിഞ്ഞ സീസണിൽ ഇറ്റാലിയൻ സെരി ബി ടീമായ മൊൺസായുടെ താരമായിരുന്നു മരിയോ ബലോടെല്ലി. തുടർന്ന് ഈ സമ്മറിൽ താരം ഫ്രീ ഏജന്റ് ആയിരുന്നു. താരത്തിന്റെ കരിയറിലെ പത്താമത്തെ ക്ലബ്ബാണ്അദന ഡെമിർസ്പോർ. അടുത്ത വർഷം നടക്കുന്ന ഖത്തർ ലോകകപ്പിനുള്ള ഇറ്റലി ടീമിൽ സ്ഥാനം കണ്ടെത്താനുള്ള ശ്രമത്തിലാണ് മരിയോ ബലോടെല്ലി.