മാഞ്ചസ്റ്റർ യുണൈറ്റഡ് ക്ലബ് വാങ്ങാനായുള്ള അവസാന ബിഡുകൾ ഇന്ന് സമർപ്പിക്കപ്പെടും. ഷെയ്ക് ജാസിമിന്റെ നേതൃത്വത്തിൽ ഉള്ള ഖത്തർ ഗ്രൂപ്പും റാറ്റ്ക്ലിഫിഫിന്റെ INEOS ഗ്രൂപ്പും ആണ് യുണൈറ്റഡിനെ വാങ്ങാനായി രംഗത്ത് ഉള്ളത്. രണ്ടു ഗ്രൂപ്പും അവരുടെ ആദ്യ ബിഡ് സമർപ്പിക്കുകയും അതിനു ശേഷം ഓൾഡ്ട്രാഫോർഡിൽ വെച്ച് യുണൈറ്റഡ് മാനേജ്മെന്റുമായി സംസാരിക്കുകയും ചെയ്തിരുന്നു. ഇന്നാണ് രണ്ട് ഗ്രൂപ്പും അവരുടെ അവസാന ബിഡ് സമർപ്പിക്കേണ്ട ദിവസം.
ഇരുവരും ഇപ്പോഴും വലിയ പ്രതീക്ഷയിലാണ്. ഖത്തർ ഗ്രൂപ്പാണ് ബിഡിൽ മുന്നിൽ എന്നാണ് റിപ്പോർട്ടുകൾ. അവർ ഒരു കടവും ഇല്ലാതെ യുണൈറ്റഡിന്റെ പൂർണ്ണമായും വാങ്ങാൻ ഒരുക്കമാണ്. റാറ്റ്ക്ലിഫിന് ബോണ്ടുകളും കടങ്ങളും വേണ്ടി വരും യുണൈറ്റഡിനെ വാങ്ങാൻ. ഇരുവരും ഇന്ന് ബിഡ് സമർപ്പിച്ച ശേഷം ആർക്ക് മാഞ്ചസ്റ്റർ യുണൈറ്റഡ് നൽകണം എന്നതിൽ ഗ്ലേസേഴ്സ് അന്തിമ തീരുമാനം എടുക്കും. ഖത്തർ ഗ്രൂപ്പ് മാഞ്ചസ്റ്റർ യുണൈറ്റഡ് വാങ്ങണം എന്നാണ് യുണൈറ്റഡിന്റെ ഏഷ്യൻ ആരാധകർ ആഗ്രഹിക്കുന്നത്. യൂറോപ്പിലെ യുണൈറ്റഡ് ആരാധകരിൽ ചിലർ റാറ്റ്ക്ലിഫ് യുണൈറ്റഡ് സ്വന്തമാക്കണം എന്നും ആഗ്രഹിക്കുന്നു.
