ദീർഘകാലമായി പരിക്കേറ്റ് പുറത്തായിരുന്നു ബയേൺ ഗോൾ കീപ്പർ മാനുവൽ ന്യൂയർ പരിശീലനം പുനരാരംഭിച്ചു. താരം സെബനർ സ്ട്രാസെയിലെ എഫ്സി ബയേൺ പരിശീലന പിച്ചിൽ വ്യക്തിഗത പരിശീലനം നടത്തുന്ന ചിത്രങ് ബയേൺ പങ്കുവെച്ചു. ഒന്ന് രണ്ട് ആഴ്ചക്കകം ന്യൂയർ ടീമിനൊപ്പം പരിശീലനം ആരംഭിക്കും.
“എനിക്ക് ഇതുവരെയുള്ള കാര്യങ്ങളിൽ തൃപ്തിയുണ്ട്. തിരിച്ചുവരാൻ ഞങ്ങൾ സ്വയം ഒരു ഷെഡ്യൂൾ ക്രമീകരിക്കുന്നില്ല. എനിക്ക് കഴിയുന്നത്ര വേഗത്തിൽ തിരികെ വരാം കഴിയും എന്ന് വിശ്വസിക്കുന്നു” ന്യൂയർ വ്യാഴാഴ്ച പറഞ്ഞു.
ഡിസംബറിൽ നടന്ന ലോകകപ്പിന് ശേഷം 37 കാരനായ വലത് കാലിന് പരിക്കേൽക്കുകയും തുടർന്ന് ശസ്ത്രക്രിയയ്ക്ക് വിധേയനാവുകയുമായിരുന്നു. ന്യൂയറിന്റെ അഭാവത്തിൽ ഇപ്പോൾ യാൻ സൊമ്മറാണ് ബയേണിന്റെ വല കാക്കുന്നത്.
