തൃക്കരിപ്പൂരിൽ നടക്കുന്ന സംസ്ഥാന ജൂനിയർ ഫുട്ബോൾ ചാമ്പ്യൻഷിപ്പ് കിരീടം മലപ്പുറത്തിന്. ഇന്ന് നടന്ന ഫൈനലിൽ അവസാന വർഷ ചാമ്പ്യന്മാരായ കോഴിക്കോടിനെ തോൽപ്പിച്ചാണ് മലപ്പുറം കിരീടം ഉയർത്തിയത്. ടൈ ബ്രേക്കറിലായിരുന്നു മലപ്പുറത്തിന്റെ വിജയം. നിശ്ചിത സമയത്ത് 1-1 എന്ന നിലയിലായിരുന്നു മത്സരം. ടൈ ബ്രേക്കറിൽ 8-7 എന്ന സ്കോറിനായിരുന്നു മലപ്പുറത്തിന്റെ വിജയം.
ഇന്നലെ നടന്ന ആദ്യ സെമി ഫൈനലിൽ എറണാകുളത്തെ തോൽപ്പിച്ചാണ് മലപ്പുറം ഫൈനലിൽ എത്തിയത്. എതിരില്ലാത്ത ഒരു ഗോളിനായിരുന്നു മലപ്പുറത്തിന്റെ സെമിയിലെ വിജയം. ഗ്രൂപ്പ് സി ചാമ്പ്യന്മാർ ആയാണ് മലപ്പുറം സെമിയിലേക്ക് എത്തിയിരുന്നത്.
