തിരുവാലി ഗവ. ഹയർ സെക്കൻഡറി സ്കൂൾ ഗ്രൗണ്ടിൽ വെച്ച് നടന്ന മലപ്പുറം ജില്ലാ ‘ഇ’ ഡിവിഷൻ ഫുട്ബാൾ ചാമ്പ്യൻഷിപ്പിൽ വൈ എം എ അരിക്കോട് ചാമ്പ്യന്മാരായി. 11 ദിവസമായി തിരുവാലി ഗവ. ഹയർ സെക്കൻഡറി സ്കൂൾ ഗ്രൗണ്ടിൽ നടന്നു വന്നിരുന്ന മലപ്പുറം ജില്ലാ
‘ഇ’ ഡിവിഷൻ ഫുട്ബാൾ ചാമ്പ്യൻഷിപ്പിൽ 14 പോയൻ്റോടെ വൈ എം എ അരിക്കോട് ചാമ്പ്യാന്മാരാവുകയും, 13 പോയൻ്റോടെ വള്ളുവനാട് എഫ് സി, മങ്കട രണ്ടാം സ്ഥാനം നേടുകയും ചെയ്ത് ‘ഡി’ ഡിവിഷനിലേക്ക് സ്ഥാനകയറ്റം നേടുകയും ചെയ്തു.
വിജയികൾക്ക് മലപ്പുറം ജില്ല ഫുട്ബാൾ അസോസിയേഷൻ പ്രസിഡൻ്റ് ശ്രീ. ജലീൽ മയൂരയും രണ്ടാം സ്ഥാനക്കാർക്ക് കെ എഫ് എ എക്സികുട്ടീവ് മെമ്പർ പ്രഫ. പി അഷറഫ് എന്നിവർ ട്രോഫികൾ നൽകി.
ചടങ്ങിൽ ഡോ. പി എം സുധീർ കുമാർ, ശ്രീ. രായിൻ പി കെ, ശ്രീ. സിറാജുദ്ദീൻ, ശ്രീ. കെ എ നാസർ, ശ്രീ. ഫിറോസ് ടികെ,
ശ്രീ. അബ്ദുൾ ഹക്കീം, ശ്രീ. ഉമ്മർ കെ പി എന്നിവർ പങ്കെടുത്തു.
