ദക്ഷിണ അമേരിക്കൻ ലോകകപ്പ് യോഗ്യതാ മത്സരങ്ങളിൽ ടോപ് സ്കോററായി ഫുട്ബോൾ ചരിത്രത്തിൽ ഒരിക്കൽ കൂടി ലയണൽ മെസ്സി തന്റെ പേര് എഴുതിച്ചേർത്തു. 38-ാം വയസ്സിൽ അർജന്റീനൻ നായകൻ എട്ട് ഗോളുകളാണ് ഈ യോഗ്യതാ റൗണ്ടിൽ നേടിയത്. യോഗ്യതാ ഘട്ടത്തിൽ ആദ്യമായാണ് മെസ്സി ടോപ് സ്കോററാകുന്നത്.
മെസ്സിയുടെ ഗോളുകൾ പലപ്പോഴും അർജന്റീനക്ക് നിർണായകമായി. ഇക്വഡോറിനെതിരായ മത്സരത്തിൽ 1-0 ന്റെ വിജയത്തിന് കാരണമായ ഏക ഗോൾ നേടിയതും പെറുവിനെതിരായ 2-0 ന്റെ വിജയത്തിൽ രണ്ട് ഗോളുകൾ നേടിയതും ബൊളീവിയക്കെതിരെ 6-0 ന്റെ തകർപ്പൻ വിജയത്തിൽ ഹാട്രിക്ക് നേടിയതും മെസ്സിയുടെ മികവ് എടുത്തുകാണിക്കുന്നു. വെനസ്വേലയ്ക്കെതിരെ രണ്ട് ഗോളുകൾ കൂടി നേടിയതോടെ യോഗ്യതാ ഘട്ടത്തിൽ ഉടനീളം താൻ എത്രത്തോളം സ്ഥിരത പുലർത്തുന്നുണ്ടെന്ന് മെസ്സി അടിവരയിട്ടു.
ക്വിറ്റോയിൽ ഇക്വഡോറിനോട് 1-0 ന് തോറ്റതോടെ അർജന്റീനയുടെ ലോകകപ്പ് യോഗ്യത മത്സരങ്ങൾ അവസാനിച്ചു. .
