സാബി അലോൺസോയുടെ ബയർ ലെവർകൂസൻ അപരാജിതരായി ചരിത്രം എഴുതുക്കൊണ്ട് ബുണ്ടസ് ലീഗ സീസൺ അവസാനിപ്പിച്ചു. ഇന്ന് നടന്ന അവസാന ലീഗ് മത്സരത്തിൽ ബയർ ലെവർകൂസൻ ഓഗ്സ്ബർഗിനെ 2-1 ന് തോൽപ്പിച്ച് കൊണ്ടാണ് ബുണ്ടസ്ലിഗയുടെ ചരിത്രത്തിൽ തോൽവിയില്ലാതെ ഒരു മുഴുവൻ സീസണും പൂർത്തിയാക്കുന്ന ആദ്യ ടീമായി മാറിയത്‌.
സാബി അലോൺസോയുടെ ടീം നേരത്തെ തന്നെ ലീഗ് കിരീടം ഉറപ്പിച്ചിരുന്നു. 34 മത്സരങ്ങളിൽ 28 മത്സരങ്ങളും വിജയിച്ച ലെവർകൂസൻ ആകെ 6 മത്സരങ്ങലിൽ ആണ് വിജയിക്കാതിരുന്നത്‌. ആ ആറ് ലീഗ് മത്സരങ്ങളിൽ അവർ സമനില വഴങ്ങി. 90 പോയിന്റുമായാണ് അവർ സീസൺ അവസാനിപ്പിച്ചത്.
സാബി അലോൻസോയുടെ ട്രെബിൾ-ചേസിംഗ് ടീം 51 മത്സരങ്ങളുടെ അപരാജിത കുതിപ്പിലാണ് ഇപ്പോൾ ഉള്ളത്. അടുത്ത ആഴ്‌ച അറ്റലാൻ്റയ്‌ക്കെതിരായ യൂറോപ്പ ലീഗ് ഫൈനലും, മെയ് 25-ന് ജർമ്മൻ കപ്പ് ഫൈനലിലും ആണ് ഇനി ലെവർകൂസന് മുന്നിൽ ഈ സീസണിൽ ഉള്ളത്.
