ലൗട്ടാരോ മാർട്ടിനസ് കരിയറിൽ ഒരു നിർണായക നാഴികകല്ല് പിന്നിട്ടു. ഇന്നകെ ലെചെക്ക് എതിരായ ഇന്ററിന്റെ 4-0 വിജയത്തിൽ മാർട്ടിനസ് തന്റെ 200-ാം ഗോൾ നേടി. അർജന്റീന ദേശീയ ടീമിനായി 32 ഗോളുകളും തന്റെ ക്ലബ്ബുകൾക്കായി 168 ഗോളുകളും മാർട്ടിനസ് ആകെ നേടി.
അർജന്റീനയിലെ റേസിംഗ് ക്ലബ്ബിൽ നിന്നാണ് മാർട്ടിനെസ് തന്റെ കരിയർ ആരംഭിച്ചത്, യൂറോപ്പിലേക്ക് പോകുന്നതിനുമുമ്പ് അദ്ദേഹം അവിടെ 27 ഗോളുകൾ നേടി. ഇന്ററിൽ ചേർന്നതിനുശേഷം, ഇറ്റാലിയൻ ക്ലബ്ബിനായി 141 ഗോളുകളും നേടി.
ചാമ്പ്യൻസ് ലീഗിൽ 14, യൂറോപ്പ ലീഗിൽ മൂന്ന്, സീരി എയിൽ 112, കോപ്പ ഇറ്റാലിയയിൽ എട്ട്, സൂപ്പർകോപ്പ ഇറ്റാലിയാനയിൽ നാല് എന്നിങ്ങനെയാണ് അദ്ദേഹത്തിന്റെ ഇന്റ മിലാനിലെ ഗോളുകൾ.
