ബാലൺ ഡി ഓർ നോമിനികളിൽ ഉൾപ്പെടാത്തതിലുള്ള നിരാശ പങ്കുവെച്ച് റയൽ മാഡ്രിഡ് താരം റോഡ്രിഗോ “അവർ എന്നെ ബാലൺ ഡി ഓർ നോമിനികളിൽ ഉൾപ്പെടുത്താത്തത് കണ്ടപ്പോൾ ഞാൻ നിരാശനായിരുന്നു.” റയൽ മാഡ്രിഡ് ഫോർവേഡ് താൻ ലിസ്റ്റിൽ ഒരു സ്ഥാനത്തിന് അർഹനാണെന്ന് വിശ്വസിക്കുന്നു എന്ന് കൂട്ടിച്ചേർത്തു.
“അവിടെയുള്ള കളിക്കാരെ ഇകഴ്ത്താൻ ഞാൻ ആഗ്രഹിക്കുന്നില്ല, പക്ഷേ എനിക്ക് അവിടെ ഒരു സ്ഥാനമുണ്ടെന്ന് ഞാൻ കരുതുന്നു.” അദ്ദേഹം പറഞ്ഞു.
തിരിച്ചടികൾക്കിടയിലും, റയൽ മാഡ്രിഡിനൊപ്പം കിരീടങ്ങൾ നേടാനുള്ള തൻ്റെ പ്രതിബദ്ധത ഊന്നിപ്പറഞ്ഞുകൊണ്ട് റോഡ്രിഗോ തൻ്റെ ലക്ഷ്യങ്ങളിൽ ശ്രദ്ധ കേന്ദ്രീകരിക്കുന്നു എന്ന് പറഞ്ഞു. “റയൽ മാഡ്രിഡ് ലോകത്തിലെ ഏറ്റവും മികച്ച ക്ലബ്ബാണ്, അവിടെ എല്ലാ കിരീടങ്ങളും നേടാൻ ഞാം ആഗ്രഹിക്കുന്നു. ഇതുവരെ വിജയിച്ച കിരീടങ്ങൾ എല്ലാം വീണ്ടും ജയിക്കാനും താൻ ആഗ്രഹിക്കുന്നു.” അദ്ദേഹം പറഞ്ഞു.