റയൽ മാഡ്രിഡിൽ തനിക്ക് നേരിട്ട വിമർശനങ്ങളെ കാര്യമാക്കുന്നില്ല എന്ന് എംബപ്പെ. താൻ മോശമായി കളിച്ചത് കൊണ്ടാണ് വിമർശനം നേരിട്ടത് എന്ന് ഫ്രഞ്ച് സ്ട്രൈക്കർ പറഞ്ഞു. റയൽ മാഡ്രിഡിനായി കളിക്കുന്നത് ഒരു സ്വപ്നം പോലെയാണെന്നും എംബപ്പെ പറഞ്ഞു.
“റയൽ മാഡ്രിഡിൽ ആയിരിക്കുക എന്നത് എല്ലാ ദിവസവും ഒരു സ്വപ്നം പോലെയാണ്. പരിശീലനത്തിലെ എല്ലാ ദിവസവും, ബെർണബ്യൂവിൽ കളിക്കുന്നതും, ഈ ജേഴ്സി ധരിക്കുന്നതും… അതൊരു സ്വപ്നമാണ്.” – എംബപ്പെ പറഞ്ഞു.
“വിമർശനങ്ങൾ ഉണ്ടായിരുന്നപ്പോൾ പോലും, അത് ആരാധകരുടെയോ റയലിനെ സ്നേഹിക്കുന്നവരുടേയോ പ്രശ്നം എല്ല എന്ന് എനിക്കറിയാമായിരുന്നു… ഞാൻ മോശമായി കളിക്കുകയായിരുന്നു. അത് എന്റെ തെറ്റ് മാത്രമാണ്.”- അദ്ദേഹം പറഞ്ഞു.
ക്ലബ്ബിൽ താൻ നിലവിൽ തന്റെ ഏറ്റവും മികച്ച ഫോമിലാണെന്ന് എംബാപ്പെ വിശ്വസിക്കുന്നു. “എനിക്ക് ഇപ്പോൾ ഞാൻ വളരെ മികച്ച നിലയിലാണെന്ന് തോന്നുന്നു. റയൽ മാഡ്രിഡിൽ ഞാൻ എന്റെ ഏറ്റവും മികച്ച നിമിഷത്തിലാണ്… ഞാൻ വളരെ ശാന്തനാണ്, വിമർശനം സാധാരണമാണ്.” അദ്ദേഹം പറഞ്ഞു.
