കേരള ബ്ലാസ്റ്റേഴ്സ് എഫ്‌സി മുഖ്യ പരിശീലക സ്ഥാനത്തേക്കുള്ള തിരഞ്ഞെടുപ്പ് പൂർത്തിയാക്കിയതായി റിപ്പോർട്ട്. ഇപ്പോൾ കോച്ചുമായി ബ്ലാസ്റ്റേഴ്സ് മാനേജ്മെന്റ് കരാർ ചർച്ചകളുടെ അവസാന ഘട്ടത്തിലാണ്. പത്രപ്രവർത്തകൻ മാർക്കസ് മെർഗുൽഹാവോയുടെ റിപ്പോർട്ടുകൾ പ്രകാരം, അടുത്ത 2-3 ദിവസത്തിനുള്ളിൽ ഔപചാരികതകൾ പൂർത്തിയാക്കി പുതിയ പരിശീലകനെ നിയമിക്കാൻ ആകുമെന്ന് ക്ലബ് പ്രതീക്ഷിക്കുന്നു.
സൂപ്പർ കപ്പിന് പുതിയ പരിശീലകൻ ചുമതലയേൽക്കുമോ എന്നത് വ്യക്തമല്ല. കേരള ബ്ലാസ്റ്റേഴ്സ് ഈ ആഴ്ച സൂപ്പർ കപ്പിനായുള്ള പരിശീലനം ആരംഭിക്കാൻ ഇരിക്കുകയാണ്. ഐ എസ് എൽ സീസൺ പകുതിക്ക് വെച്ച് സ്റ്റാറേയെ പുറത്താക്കിയത് മുതൽ ബ്ലാസ്റ്റേഴ്സ് പരിശീലകൻ ഇല്ലാതെ നിൽക്കുകയാണ്.
