ഷൂട്ടേഴ്സ് പടന്നയ്ക്ക് വീണ്ടും വിജയം

- Advertisement -

ഉത്തര മലബാറിൽ നിന്ന് കേരള പ്രീമിയർ ലീഗിൽ കളിക്കുന്ന ആദ്യ ടീമായ ഷൂട്ടേഴ്സ് പടന്നയ്ക്ക് ലീഗിൽ തുടർച്ചയായ രണ്ടാം വിജയം. ഇന്ന് കേരള പ്രീമിയർ ലീഗിലെ തങ്ങളുടെ രണ്ടാം മത്സരത്തിന് ഇറങ്ങിയ ഷൂട്ടേഴ്സ് പടന്ന ഗോൾഡൻ ത്രഡ്സിനെ ആണ് പരാജയപ്പെടുത്തിയത്. കൊച്ചിയിൽ വെച്ച് നടന്ന മത്സരം ഒന്നിനെതിരെ രണ്ടു ഗോളുകൾക്കാണ് ഷൂട്ടേഴ്സ് പടന്ന വിജയിച്ചത്. പടന്നയ്ക്ക് വേണ്ടി മുസമ്മിലും നിസാമുദ്ദീനുമാണ് ഗോളുകൾ നേടിയത്.

കഴിഞ്ഞ മത്സരത്തിൽ കോവളം എഫ് സിയെയും ഷൂട്ടേഴ്സ് പടന്ന പരാജയപ്പെടുത്തിയിരുന്നു.
കോഴിക്കോട് ക്ലബായ ക്വാർട്സ് ലീഗിൽ നിന്ന് പിന്മാറിയതു കൊണ്ടാണ് പടന്ന ലീഗിലേക്ക് എത്തിയത്. ഗ്രൂപ്പ് ബിയിൽ ഉള്ള ഷൂട്ടേഴ്സ് പടന്ന രണ്ടിൽ രണ്ട് വിജയവുമായി ആറു പോയന്റിൽ നിൽക്കുകയാണ് ഇപ്പോൾ.

Advertisement