കേരള ബ്ലാസ്റ്റേഴ്സ് ഇന്ന് ഒഡീഷക്ക് എതിരെ നേടിയ ആവേശകരമായ വിജയത്തിൽ സന്തോഷം പ്രകടിപ്പിച്ച് താൽക്കാലിക പരിശീലകൻ ടി ജി പുരുഷോത്തമൻ. കേരള ബ്ലാസ്റ്റേഴ്സ് ഇന്ന് ഒഡീഷക്ക് എതിരെ ഒരു ഗോളിന് പിറകിൽ നിന്ന ശേഷം തിരിച്ചടിച്ച് 3-2ന് വിജയിക്കുകയായിരുന്നു.
കേരള ബ്ലാസ്റ്റേഴ്സ് തിരിച്ചുവരും എന്ന് ഉറപ്പുണ്ടായിരുന്നു എന്ന് ടി ജി മത്സര ശേഷം പറഞ്ഞു. ഇത് ഞങ്ങളുടെ ഗ്രൗണ്ടാണ്. ഇവിടെ തിരിച്ചുവന്ന് ജയിക്കാൻ ആകും എന്ന് ഉറപ്പുണ്ടായിരുന്നു. അദ്ദേഹം പറഞ്ഞു.
മത്സരത്തിൽ പിഴവുകൾ സംഭവിക്കുന്നത് സ്വാഭാവികമാണ്. ആ തെറ്റുകൾ ഞങ്ങൾ ഗ്രൗണ്ടിൽ വെച്ച് തന്നെ തിരുത്തി. ഈ വിജയം ഞങ്ങൾ അർഹിക്കുന്നുണ്ട്. ടി ജി പുരുഷോത്തമൻ പറഞ്ഞു.
