കേരള ബ്ലാസ്റ്റേഴ്സിന്റെ സൂപ്പർ താരം അഡ്രിയൻ ലൂണയ്ക്ക് പരിക്ക്. ഇതോടെ സൂപ്പർ കപ്പ് ക്വാർട്ടർ ഫൈനലിൽ താരം കളിക്കാൻ സാധ്യതയില്ല. ആദ്യ മത്സരത്തിൽ ഈസ്റ്റ് ബംഗാളിനെതിരെ കളിക്കുന്നതിനിടെയാണ് ലൂണയ്ക്ക് പരിക്കേറ്റത്. പരിക്കിന്റെ വ്യാപ്തി എത്രത്തോളമുണ്ടെന്ന് വ്യക്തമായിട്ടില്ല. ഇന്ന് നടന്ന പരിശീലനത്തിലും ലൂണ പങ്കെടുത്തില്ല.
ക്വാർട്ടർ ഫൈനലിൽ കേരള ബ്ലാസ്റ്റേഴ്സ് മോഹൻ ബഗാനെയാണ് നേരിടുക. ചർച്ചിൽ ബ്രദേഴ്സ് ടൂർണമെന്റിൽ നിന്ന് പിന്മാറിയതിനാൽ മോഹൻ ബഗാൻ നേരിട്ട് ക്വാർട്ടറിലേക്ക് പ്രവേശിക്കുകയായിരുന്നു.
ഈസ്റ്റ് ബംഗാളിനെതിരെ മികച്ച വിജയം നേടിയ കേരള ബ്ലാസ്റ്റേഴ്സ്, മോഹൻ ബഗാനെയും വലിയ പ്രതീക്ഷയോടെയാണ് ഇറങ്ങുക. എന്നാൽ ലൂണയുടെ അഭാവം ടീമിന് വലിയ തിരിച്ചടിയായേക്കും. ലൂണ കളിക്കാത്ത സാഹചര്യത്തിൽ പകരക്കാരനായി പെപ്ര ആദ്യ ഇലവനിൽ ഇറങ്ങാൻ സാധ്യതയുണ്ട്.
ലൂണയുടെ പരിക്ക് ബ്ലാസ്റ്റേഴ്സിന്റെ മുന്നോട്ടുള്ള പോക്കിനെ എങ്ങനെ ബാധിക്കുമെന്നത് കാത്തിരുന്ന് കാണേണ്ടതാണ്.
