24-ാമത് സീനിയർ വനിതാ അന്തർ ജില്ലാ സംസ്ഥാന ഫുട്ബോൾ ചാമ്പ്യൻഷിപ്പിലെ ആവേശകരമായ മത്സരത്തിൽ ആലപ്പുഴയ്‌ക്കെതിരെ കോട്ടയം ജേതാക്കളായി. പെനാൾട്ടി ഷൂട്ടൗട്ടിൽ ആയിരുന്നു വിജയം. മത്സരം 1-1ന് സമനിലയിൽ ആണ് അവസാനിച്ചത്‌. 26-ാം മിനിറ്റിൽ ആര്യ ആലപ്പുഴയുടെ ലീഡ് നേടിയപ്പോൾ 84-ാം മിനിറ്റിൽ ദീപ്തി കൃഷ്ണ കോട്ടയത്തിന് സമനില നേടിക്കൊടുത്തു. ഒടുവിൽ പെനാൽറ്റി ഷൂട്ടൗട്ടിൽ 4-3ന് കോട്ടയം ജയിച്ച് അടുത്ത റൗണ്ടിൽ സ്ഥാനം ഉറപ്പിച്ചു.
മറ്റൊരു മത്സരത്തിൽ കാസർകോടിന് വേണ്ടി മാളവിക രണ്ട് ഗോളുകളും അശ്വനി, ആരതി വി വി എന്നിവർ ഓരോ ഗോളും നേടിയപ്പോൾ വയനാടിനെ 4-1ന് പരാജയപ്പെടുത്തി കൊണ്ട് കാസർഗോഡും അടുത്ത റൗണ്ടിൽ എത്തി. വയനാടിന് വേണ്ടി ആരതി പി.എം ഏക ഗോൾ നേടി.
