കേരള ബ്ലാസ്റ്റേഴ്സിന്റെ വിദേശ താരങ്ങളായ വിക്ടർ മോംഗിലും ജിയാന്നുവും ക്ലബ് വിടും. ഇരുവരും കേരള ബ്ലാസ്റ്റേഴ്സുമായുള്ള കരാർ പുതുക്കില്ല എന്നാണ് റിപ്പോർട്ടുകൾ. ഇരുവരുടെ കരാർ അടുത്ത മാസത്തോടെ അവസാനിക്കും. സൂപ്പർ കപ്പിന് ശേഷം ഇരുവരും ബ്ലാസ്റ്റേഴ്സ് ക്യാമ്പ് വിടും. ഇരുതാരങ്ങൾക്കും അത്ര നല്ല ക്യാമ്പയിൻ ആയിരുന്നില്ല ഈ സീസൺ.
കേരള ബ്ലാസ്റ്റേഴ്സിന്റെ ഗോൾ കണ്ടെത്താൻ ആകാത്ത പ്രശ്നത്തിന് പരിഹാരമാകേണ്ടിയിരുന്ന ജിയാന്നു ഈ സീസണിൽ ബ്ലാസ്റ്റേഴ്സിനായി ആകെ 2 ഗോളുകൾ ആണ് നേടിയത്. ബ്ലാസ്റ്റേഴ്സിനായി 17 ഐ എസ് എൽ മത്സരങ്ങൾ കളിച്ച താരം 2 ഗോളും 2 അസിസ്റ്റും ആണ് ആകെ സംഭാവന ചെയ്തത്.
വിക്ടർ മോംഗിൽ ബ്ലാസ്റ്റേഴ്സിനായി 19 മത്സരങ്ങൾ ഈ സീസണിൽ കളിച്ചു. താരത്തിന് ലെസ്കോവിചിന്റെ അഭാവത്തിൽ ബ്ലാസ്റ്റേഴ്സിന്റെ ഡിഫൻസിനെ നയിക്കേണ്ട ചുമതല ലഭിച്ചു എങ്കിലും ആ മത്സരങ്ങളിൽ ബ്ലാസ്റ്റേഴ്സിനെ വിജയത്തിലേക്ക് നയിക്കാൻ അദ്ദേഹത്തിനായിരുന്നില്ല.
