റിലയൻസ് ഫൗണ്ടേഷൻ യംഗ് ചാംപ്സിൽ നിന്ന് 19 കാരനായ മിഡ്ഫീൽഡർ സുപ്രതിം ദാസിനെ മുംബൈ സിറ്റി സ്വന്തമാക്കി. മൂന്ന് വർഷത്തെ കരാറിൽ ആണ് താരം മുംബൈ സിറ്റിയിലേക്ക് എത്തുന്നത്. 2027 വേനൽക്കാലം വരെ ഐലൻഡേഴ്സിനൊപ്പം താരം ഉണ്ടാകും.
റിലയൻസ് ഫൗണ്ടേഷൻ യംഗ് ചാംപ്സിനൊപ്പമുള്ള സമയത്ത്, 2018-2019 സീസണിൽ സബ് ജൂനിയർ ഐ-ലീഗ് കിരീടം നേടുന്നതിലും 2022-ലെ എംഎഫ്എ സൂപ്പർ ഡിവിഷൻ ലീഗിൽ ടീമിനെ റണ്ണർഅപ്പ് ഫിനിഷിലേക്ക് നയിക്കുന്നതിലും സുപ്രതിം നിർണായക പങ്ക് വഹിച്ചു. റിലയൻസ് ഫൗണ്ടേഷൻ ഡെവലപ്മെൻ്റ് ലീഗ് 2022-23, 2023-24 സീസണുകളിലും താരം പങ്കെടുത്തിരുന്നു.
2017, 2018, 2019 വർഷങ്ങളിൽ സ്പെയിനിലേക്കും 2024ൽ ജപ്പാനിലേക്കും RFYC-യ്ക്കൊപ്പം നിരവധി എക്സ്പോഷർ യാത്രകളിൽ സുപ്രതിം പങ്കെടുത്തിട്ടുണ്ട്.