യുവ ഡിഫൻഡർ സാഹിൽ പൻവാർ ഒഡീഷയിൽ തുടരും. 23കാരനായ താരത്തിന്റെ കരാർ പുതുക്കാൻ ഉള്ള വ്യവസ്ഥ ഉപയോഗിച്ച് ക്ലബ് കരാർ നീട്ടുകയായിരുന്ന്ഹ്. രണ്ടു വർഷം മുമ്പാണ് താരം ഒഡീഷയിലേക്ക് എത്തിയത്. ഈ കഴിഞ്ഞ സീസണിൽ 18 മത്സരങ്ങൾ ഐ എസ് എല്ലിൽ താരം കളിച്ചിരുന്നു. ഒരു അസിസ്റ്റു സംഭാവന ചെയ്യുകയും ചെയ്തു. ആകെ ഐ എസ് എല്ലിൽ 68 മത്സരങ്ങൾ താരം കളിച്ചിട്ടുണ്ട്.
ഒഡീഷയിൽ എത്തും മുമ്പ് രണ്ടു സീസണിൽ ഹൈദരാബാദ് എഫ് സിയിൽ ആയിരുന്നു സാഹിൽ കളിച്ചത്. മുമ്പ് ഐ എസ് എല്ലിൽ പൂനെ സിറ്റിക്ക് വേണ്ടിയും താരം കളിച്ചിട്ടുണ്ട്. പൂനെ എഫ് സിയുടെ അക്കാദമിയിലൂടെ വളർന്നു വന്ന താരമാണ് സാഹിൽ. ഇന്ത്യൻ അണ്ടർ 20 ടീമിനു വേണ്ടിയും താരം കളിച്ചിട്ടുണ്ട്.
