എഫ് സി ഗോവയുടെ താരമായിരുന്ന നിഖിൽ പ്രഭുവിനെ റൗണ്ട്ഗ്ലാസ് പഞ്ചാബ് എഫ് സി സ്വന്തമാക്കി. ഐ എസ് എല്ലിലേക്ക് വരുന്ന പഞ്ചാബ് എഫ് സി നിഖിലിനെ സ്വന്തമാക്കിയതായി IFTWC റിപ്പോർട്ട് ചെയ്യുന്നു. കഴിഞ്ഞ ജനുവരിയിൽ മാത്രമാണ് നിഖിൽ ഗോവയിൽ എത്തിയത്.
അതിനു മുമ്പ് താരം ഒഡീഷയിൽ ആയിരുന്നു. ഒഡീഷക്ക് ഒപ്പം ഈ സീസണിൽ ആകെ മൂന്ന് മത്സരങ്ങൾ മാത്രമെ നിഖിൽ കളിച്ചിട്ടുള്ളൂ. രണ്ട് സീസണിൽ ആയി നിഖിൽ 6 മത്സരങ്ങൾ മാത്രമേ ഒഡീഷക്കായി കളിച്ചിരുന്നുള്ളൂ.
ഹൈദരബാദ് റിസേർവ്സ് ടീമിലൂടെ ഉയർന്ന് വന്ന താരത്തിന്റെ നാലാമത്തെ ഐ എസ് എൽ ക്ലബ് ആയിരിക്കും പഞ്ചാബ് എഫ് സി. മുമ്പ് പൂനെ സിറ്റിയുടെയും ഹൈദരബദിന്റെയും ഭാഗമായിരുന്നു. 2019ൽ എഫ്സി പൂനെ സിറ്റി അക്കാദമിയിൽ ചേരുന്നതിന് മുമ്പ് നിഖിൽ പ്രഭു മുംബൈയിലെ വിവിധ പ്രാദേശിക ക്ലബ്ബുകളിലും കളിച്ചിട്ടുണ്ട്.
