ജംഷദ്പൂരിന്റെ ഒന്നാം നമ്പർ ഗോൾ കീപ്പർ ആയിരുന്ന ടി പി രെഹ്നേഷ് ഇനി മുംബൈ സിറ്റിയിൽ. രെഹ്നേഷിന്റെ സൈനിംഗ് മുംബൈ സിറ്റി ഇന്ന് ഔദ്യോഗികമായി പ്രഖ്യാപിച്ചു. 2027വരെയുള്ള കരാറിൽ ആണ് രെഹ്നേഷ് മുംബൈ സിറ്റിയിൽ എത്തുന്നത്. അടുത്ത സീസണിൽ രെഹ്നേഷ് മുംബൈ സിറ്റിയുടെ ഒന്നാം ഗോൾ കീപ്പർ ആകും എന്ന് പ്രതീക്ഷിക്കപ്പെടുന്നു.
അവസാന നാലു സീസണുകളിലായി രെഹ്നേഷ് ജംഷദ്പൂർ എഫ് സിക്ക് ഒപ്പം ഉണ്ട്. കേരള ബ്ലാസ്റ്റേഴ്സിൽ നിന്നായിരുന്നു രെഹ്നേഷിനെ ജംഷദ്പൂർ സ്വന്തമാക്കിയത്. കേരള ബ്ലാസ്റ്റേഴ്സിൽ രെഹ്നേഷ് കളിച്ചിരുന്നു എങ്കിലും താരത്തിന് ബ്ലാസ്റ്റേഴ്സിൽ വലിയ പ്രകടനങ്ങൾ നടത്താൻ ആയിരുന്നില്ല.
ഐ എസ് എല്ലിൽ നോർത്ത് ഈസ്റ്റ് യുണൈറ്റഡിനായും താരം കളിച്ചിരുന്നു. പണ്ട് വിവാ കേരളയിലൂടെ ആയിരുന്നു ദേശീയ ഫുട്ബോളിലേക്ക് രഹ്നേഷ് എത്തിയിരുന്നത്. ഷില്ലോങ്ങ് ലജോങ്, ഒ എൻ ജി സി എന്നീ ക്ലബുകൾക്കായൊക്കെ ഗ്ലോവ് അണിഞ്ഞിട്ടുള്ള താരമാണ് രഹ്നേഷ്.
ഇന്ത്യയിൽ ആകെ 204 ആഭ്യന്തര മത്സരങ്ങളിൽ കളിച്ച രെഹ്നേഷ് 59 ക്ലീൻ ഷീറ്റുകൾ നിലനിർത്തുകയും ചെയ്തിട്ടുണ്ട്.
