മലയാളി താരങ്ങളുടെ മികവിൽ പഞ്ചാബ് എഫ് സിക്ക് വിജയം. വെള്ളിയാഴ്ച ന്യൂഡൽഹിയിലെ ജവഹർലാൽ നെഹ്‌റു സ്റ്റേഡിയത്തിൽ ഒഡീഷ എഫ്‌സിയെ 2-1 എന്ന സ്കോറിനാണ് പഞ്ചാബ് എഫ് സി തോൽപ്പിച്ചത്‌. ഈ വിജയം പഞ്ചാബ് എഫ്‌സിയുടെ തുടർച്ചയായ രണ്ടാം വിജയമാണ്.
23 കാരനായ നിഹാൽ സുധീഷിൻ്റെ 27-ാം മിനിറ്റിലെ ഗോളും ലിയോൺ അഗസ്റ്റിൻ വൈകി നേടിയ സ്‌ട്രൈക്കും ആണ് ആതിഥേയരുടെ വിജയം ഉറപ്പിച്ചത്.
എസെക്വിയൽ വിദാൽ ഒരുക്കിയ ആക്രമണ നീക്കത്തിന് ഒടുവിലാണ് നിഹാലിൻ്റെ ഗോൾ വന്നത്. റിക്കി ഷാബോംഗിൻ്റെ സമർത്ഥമായ പാസിനെ പിന്തുടർന്നാണ് അഗസ്റ്റിൻ്റെ 89-ാം മിനിറ്റിലെ ഗോൾ. ഇഞ്ചുറി ടൈമിൽ ഒരു സെൽഫ് ഗോൾ ഒഡീഷക്ക് ആശ്വാസ ഗോളായി മാറി.
