പ്ലേ ഓഫിൽ കേരള ബ്ലാസ്റ്റേഴ്സിന്റെ എതിരാളികൾ ആരാകുമെന്ന് ഇന്ന് തീരുമാനമായി. ഇന്ന് കേരള ബ്ലാസ്റ്റേഴ്സ് ഹൈദരാബാദ്ക്കെതിരെ വിജയിച്ചതോടെ കേരള ബ്ലാസ്റ്റേഴ്സ് അഞ്ചാമത് ഫിനിഷ് ചെയ്യും എന്ന് ഉറപ്പായി. ഇതോടെ ഒഡീഷ എഫ്സി ആകും കേരളത്തിന്റെ എതിരാളി എന്ന് ഉറപ്പായി.
ഒഡീഷ് ഇപ്പോൾ നാലാം സ്ഥാനത്താണ് ഉള്ളത്. അവർ അവസാന മത്സരം വിജയിച്ച് എഫ് സി ഗോവയോടൊപ്പം പോയിൻറ് എത്തിയാലും ഹെഡ് ടു ഹെഡിൽ ഗോവ മുന്നിൽ ആയതുകൊണ്ട് ഒഡിഷ നാലാം സ്ഥാനത്ത് തന്നെ ആകും ഫിനിഷ് ചെയ്യു.ക ഇതോടെ കേരള ബ്ലാസ്റ്റേഴ്സും ഒഡീഷ എഫ്സിയും ആകും പ്ലേ ഓഫിൽ നേർക്കുനേർ വരിക എന്ന് ഉറപ്പായി. പത്തൊമ്പതാം തീയതി ആകും പ്ലേ ഓഫ് നടക്കുക. ഒഡീഷയാണ് കേരള ബ്ലാസ്റ്റേഴ്സിന് മുന്നിൽ ഫിനിഷ് ചെയ്തത് എന്നതുകൊണ്ട് ഒഡീഷയുടെ ഹോം ഗ്രൗണ്ടിൽ വെച്ചായിരിക്കും മത്സരം നടക്കുക.
രണ്ടാം പ്ലേ ഓഫിൽ ചെന്നൈയിനും മൂന്നാംസ്ഥാനത്ത് ഫിനിഷ് ചെയ്യുന്ന ക്ലബും തമ്മിൽ ഏറ്റുമുട്ടും. കേരള ബ്ലാസ്റ്റേഴ്സ് പ്രധാന താരങ്ങളെല്ലാം പ്ലേ ഓഫിന് മുന്നെ പരിക്ക് മാറി എത്തും എന്ന പ്രതീക്ഷയിലാണ്. ഇന്ന് ഹൈദരാബാദിനെതിരെ 3-1നാണ് ബ്ലാസ്റ്റേഴ്സ് വിജയിച്ചത്. മുഹമ്മദ് ഐമനും ജപ്പാനീസ് താരം ദെയ്സുകെയും നിഹാലും ആണ് കേരള ബ്ലാസ്റ്റേഴ്സിനായി ഗോൾ നേടിയത്.
