അടുത്ത സീസണിലേക്ക് ഉള്ള ഒരുക്കത്തിനായി ഐ എസ് എല്ലിലെ വലിയ ഒരു താരത്തെ സ്വന്തമാക്കാൻ കേരള ബ്ലാസ്റ്റേഴ്സ് ശ്രമിക്കുന്നു. എഫ് സി ഗോവയുടെ മൊറോക്കൻ ഫോർവേഡ് നോവ സദോയിയെ ആണ് കേരള ബ്ലാസ്റ്റേഴ്സ് സ്വന്തമാക്കാൻ ശ്രമിക്കുന്നത്. നോവയുടെ രണ്ട് വർഷത്തെ കരാർ ഉള്ള ഒരു ഡീൽ ബ്ലാസ്റ്റേഴ്സ് ചർച്ച നടത്തുന്നുണ്ട് എന്ന് 90nStoppage റിപ്പോർട്ട് ചെയ്യുന്നു.
അവസാന രണ്ടു സീസണുകളിലായി എഫ് സി ഗോവക്ക് ഒപ്പം ഉള്ള താരമാണ് നോവ. ഈ സീസണിൽ ഇതുവരെ ഗോവയ്ക്ക് ആയി 15 മത്സരങ്ങൾ ലീഗിൽ കളിച്ച നോവ 5 ഗോളുകളും 2 അസിസ്റ്റുകളും സ്വന്തം പേരിൽ ചേർത്തു. ഐ എസ് എല്ലിൽ ആകെ 35 മത്സരങ്ങൾ കളിച്ച നോവ 14 ഗോളുകളും 11 അസിസ്റ്റും സംഭാവ നൽകിയിട്ടുണ്ട്.
ഈ ട്രാൻസ്ഫർ നടക്കുക ആണെങ്കിൽ കേരള ബ്ലാസ്റ്റേഴ്സിന് ഒരു മികച്ച വിദേശ താരത്തെ ആകും ലഭിക്കുക.
