സന്ദേശ് ജിങ്കൻ പരിക്കേറ്റ് പുറത്തായ സാഹചര്യത്തിൽ എഫ് സി ഗോവ പകരക്കാരനെ സൈൻ ചെയ്തു. ഹൈദരാബാദ് എഫ് സി താരമായിരുന്ന നിം ഡോർജി തമാങ്ങിനെ ആണ് ഗോവ സ്വന്തമാക്കിയത്‌. 2023-24 സീസണിൻ്റെ അവസാനം വരെയുള്ള ഒരു ഹ്രസ്വകാല കരാറിൽ ആണ് ഡിഫൻഡർ ഗോവയിൽ എത്തുന്നത്.
ഇന്ത്യൻ എയർഫോഴ്സ് അക്കാദമിയിൽ നിന്നാണ് നിം ഡോർജി തന്റെ കരിയർ ആരംഭിച്ചത്‌ ഷില്ലോങ് ലജോങ്ങിനായി ഐ ലീഗിൽ മികച്ച പ്രകടനം മുമ്പ് കാഴ്ചവെച്ചിട്ടുണ്ട്. എഫ്‌സി പൂനെ സിറ്റിയിലും നോർത്ത് ഈസ്റ്റ് യുണൈറ്റഡിലും കളിച്ചു. 2021ൽ ആണ് 28 കാരനായ ഡിഫൻഡർ ഹൈദരാബാദ് എഫ്‌സിയിലെത്തിയത്.
2022-23 സീസണിൽ ഐഎസ്എൽ റണ്ണേഴ്‌സ് അപ്പായി ഫിനിഷ് ചെയ്ത ടീമിൻ്റെയും അതിനു മുമ്പ് ഐ എസ് എൽ കിരീടം നേടിയ ഹൈദരാബാദ് ടീമിന്റെയും പ്രധാന ഭാഗമായിരുന്നു.
