നെയ്മറെ പോലൊരു താരത്തെ കാണുന്നത് ഇന്ത്യൻ ആരാധകർക്ക് സന്തോഷം നൽകും ദ്ന്ന് മുംബൈ സിറ്റി എഫ്സി മുഖ്യ പരിശീലകൻ ബക്കിംഗ്ഹാം. എഎഫ്സി ചാമ്പ്യൻസ് ലീഗിൽ മുംബൈ സിറ്റിയും നെയ്മർ കളിക്കുന്ന അൽ ഹിലാൽ ക്ലബും ഒരു ഗ്രൂപ്പിലാണ്. ഇതിനെ കുറിച്ച് സംസാരിക്കുക ആയിരുന്നു ബക്കിങ്ഹാം. നവംബറിൽ പൂനെയിൽ അൽ ഹിലാൽ എത്തുമ്പോൾ നെയ്മർ ഉൾപ്പെടെയുള്ള സൂപ്പർ താരങ്ങൾ അവർക്ക് ഒപ്പം ഉണ്ടാകും.
നെയ്മറിന്റെ നിലവാരമുള്ള ഒരു കളിക്കാരനെ കാണുന്നത് ഇന്ത്യൻ ആരാധകർക്ക് മികച്ച അനുഭവമായിരിക്കും എന്ന് മുംബൈ പരിശീലകൻ പറഞ്ഞു. നെയ്മറിന് പുറമെ റൂബൻ നെവ്സ്, കലിഡൗ കൗലിബാലി, മിലിങ്കോവിച്ച്-സാവിച്, യാസിൻ ബൗണൗ, മാൽകോം, അലക്സാണ്ടർ മിട്രോവിച്ച് തുടങ്ങിയ വൻ താരനിര അൽ-ഹിലാൽ ടീമിൽ ഉണ്ട്.
“ഈ ഫിക്സ്ചർ ഞങ്ങൾക്കും ഞങ്ങളുടെ ക്ലബിനും മാത്രമല്ല, ഇന്ത്യയിലെ ഫുട്ബോൾ ആരാധകർക്ക് ആ നിലവാരത്തിലെ ഒരു കളിക്കാരനെ കാണാൻ ആകുന്നത് ആവേശം പകരും,” ബക്കിംഗ്ഹാം പറഞ്ഞു.
