ഇന്ത്യൻ സൂപ്പർ ലീഗിൽ വിക്രം പ്രതാപിന്റെ ഹാട്രിക്കിന്റെ ബലത്തിൽ മുംബൈ സിറ്റിക്ക് വലിയ വിജയം. ഇന്ന് നോർത്ത് ഈസ്റ്റിനെ നേരിട്ട മുംബൈ സിറ്റി ഒന്നിനെതിരെ നാലു ഗോളുകൾക്ക് ആണ് വിജയിച്ചത്. ആദ്യ പത്ത് മിനുട്ടിൽ തന്നെ ഇന്ന് വിക്രം പ്രതാപ് മുംബൈ സിറ്റിക്ക് ആയി രണ്ടു ഗോളുകൾ നേടി. മൂന്നാം മിനുട്ടിലും പത്താം മിനുട്ടിലും ആയിരുന്നു ഗോളുകൾ.
ആദ്യ പകുതിയുടെ അവസാനം ഒരു പെനാൾട്ടിയിലൂടെ മുംബൈ സിറ്റി മൂന്നാം ഗോൾ നേടി. വാൻ നീഫ് ആണ് പെനാൾട്ടി ലക്ഷ്യത്തിൽ എത്തിച്ചത്. രണ്ടാം പകുതിയിൽ 80ആം മിനുട്ടിൽ വിക്രം പ്രതാപ് ഹാട്രിക്ക് പൂർത്തിയാക്കി. മലയാളി താരം മഷൂർ ഷെരീഫ് ആണ് നോർത്ത് ഈസ്റ്റിന്റെ ആശ്വാസ ഗോൾ നേടിയത്.
ഈ വിജയത്തോടെ മുംബൈ സിറ്റി ലീഗിൽ ഒന്നാമത് എത്തി. 19 മത്സരങ്ങളിൽ നിന്ന് 39 പോയിന്റുമായാണ് മുംബൈ സിറ്റി ഒന്നാമത് നിൽക്കുന്നത്. നോർത്ത് ഈസ്റ്റ് 20 പോയിന്റുമായി ഒമ്പതാമത് നിൽക്കുന്നു.
