മുംബൈ സിറ്റി ക്ലിഫോർഡ് മിറാൻഡയെ അസിസ്റ്റൻ്റ് കോച്ചായും ഡെനിസ് കവാനെ സ്‌ട്രെംഗ്ത് ആൻഡ് കണ്ടീഷനിംഗ് കോച്ചായും നിയമിച്ചതായി പ്രഖ്യാപിച്ചു. രണ്ടു വർഷത്തെ കരാറിൽ ഇരുവരും ഹെഡ് കോച്ച് പെറ്റർ ക്രാറ്റ്‌കിയുടെ സ്റ്റാഫിൽ ചേരും.
ക്ലിഫോർഡ് എഎഫ്‌സി പ്രോ ലൈസൻസ് ഉടമയാണ്, മുമ്പ് എഫ്‌സി ഗോവ, ഒഡീഷ എഫ്‌സി, മോഹൻ ബഗാൻ എസ്‌ജി എന്നിവയിൽ അസിസ്റ്റൻ്റ് കോച്ചായി പ്രവർത്തിച്ചിട്ടുണ്ട്. എഫ്‌സി ഗോവയ്ക്കും മോഹൻ ബഗാനും ഒപ്പം ഐഎസ്എൽ ലീഗ് വിന്നേഴ്‌സ് ഷീൽഡ് നേടിയിട്ടുണ്ട്. കൂടാതെ, 2023 സൂപ്പർ കപ്പിൽ ഒഡീഷ എഫ്‌സിയെ കിരീടത്തിലേക്കും നയിച്ചു. മുൻ ഇന്ത്യൻ ദേശീയ ടീം ഫുട്‌ബോൾ കളിക്കാരനായ അദ്ദേഹം മുമ്പ് ഇന്ത്യൻ അണ്ടർ 23 പുരുഷ ടീമിനെയും പരിശീലിപ്പിച്ചിട്ടുണ്ട്.
ചെക്ക് റിപ്പബ്ലിക്കിൽ നിന്നുള്ള ഫിറ്റ്‌നസ് കോച്ചായ കവൻ മുമ്പ് യൂറോപ്പിലെയും ഏഷ്യയിലെയും നിരവധി ക്ലബ്ബുകളിൽ പ്രവർത്തിച്ചിട്ടുണ്ട്.
