ഇന്ത്യൻ സൂപ്പർ ലീഗൽ ഇന്ന് നടന്ന രണ്ടാം സെമി ഫൈനലിലെ ആദ്യ പാദത്തിൽ എഫ്സി ഗോവയെ ഞെട്ടിച്ച് മുംബൈ സിറ്റിയെ. ഗോവയിലെ ഫത്തോർഡ സ്റ്റേഡിയത്തിൽ നടന്ന മത്സരത്തിൽ ഇഞ്ച്വറി ടൈമിൽ നേടിയ മൂന്ന് ഗോളുകളുടെ ബലത്തിൽ 3-2ന്റെ വിജയമാണ് മുംബൈ സിറ്റി നേടിയത്.
ഇന്ന് പതിനാറാം മിനിറ്റിൽ ബോറിസ് സിംഗിന്റെ ഗോളിലാണ് ഗോവ ലീഡ് എടുത്തത്. മുഹമ്മദ് യാസിറിന്റെ അസിസ്റ്റലിൽ നിന്നായിരുന്നു ഗോവയുടെ ആദ്യ ഗോൾ.
രണ്ടാം പകുതിയിൽ 56 മിനിട്ടിൽ ബ്രൻഡൺ ഫെർണാണ്ടസിന്റെ ഒരു ലോങ്ങ് റേഞ്ചർ ഗോവയുടെ ലീഡ് രണ്ടാക്കി ഉയർത്തി. ഈ രണ്ടു ഗോളുകൾ ഗോവയുടെ വിജയം ഉറപ്പിച്ചു എന്ന് കരുതിയപ്പോൾ ആണ് കളിയിൽ ട്വിസ്റ്റ് വന്നത്. 90ആം മിനുട്ടിൽ ചാങ്തെയിലൂടെ മുംബൈ സിറ്റിയുടെ ആദ്യ ഗോൾ വന്നത്. 91ആം മിനുട്ടിൽ വിക്രം പ്രതാപിലൂടെ സമനില ഗോളും. 2-0ൽ നിന്ന് കണ്ണടച്ച് തുറക്കുമ്പോഴേക്ക് 2-2.
അവിടെയും തീർന്നില്ല. ഫൈനൽ വിസിൽ വരും മുമ്പ് ചാങ്തെ വീണ്ടും ഗോളടിച്ചു. 3-2നു മുംബൈ മുന്നിൽ. അവർ വിജയവുമായി മുംബൈയിലേക്ക് മടങ്ങി. ഇനി രണ്ടാം പാദ സെമിഫൈനൽ മുംബൈയിൽ വെച്ച് നടക്കും. ഏപ്രിൽ 29നാകും മത്സരം.
