മുംബൈ സിറ്റി ക്ലബ് ക്യാപ്റ്റൻ മൗർതാഡ ഫാൾ ക്ലബ് വിട്ടു. ഇന്ന് മുംബൈ സിറ്റി ഔദ്യോഗികമായി ഈ വാർത്ത പങ്കുവെച്ചു. താരം ഒഡീഷ എഫ് സിയുമായി ചർച്ചകൾ നടത്തുകയാണ് ഇപ്പോൾ. ഫാളിന് പകരം തിരിയെ മുംബൈ സിറ്റി ടീമിലേക്ക് എത്തിക്കും. ഈ സീസണിൽ മുംബൈ സിറ്റിക്കായി ഐ എസ് എല്ലിൽ 18 മത്സരങ്ങൾ ഫാൾ കളിച്ചിരുന്നു. ഐ എസ് എല്ലിൽ ആകെ 99 മത്സരങ്ങൾ താരം കളിച്ചിട്ടുണ്ട്.
ഒഡീഷ പരിശീലകനായി ലൊബേരയെ എത്തിക്കുന്നതും ഫാൾ ഒഡീഷയിലേക്ക് അടുക്കാനുള്ള ഒരു കാരണമാണ്. 2020-ൽ എഫ്‌സി ഗോവയിൽ നിന്ന് മുംബൈ സിറ്റിയിലേക്ക് ചേക്കേറിയ 35 കാരനായ സെന്റർ ഹാഫ് മുംബൈ സിറ്റിക്ക് ഒപ്പം രണ്ട് ഐ‌എസ്‌എൽ ലീഗ് വിന്നേഴ്‌സ് ഷീൽഡും ഒരു ഐ‌എസ്‌എൽ ട്രോഫിയും നേടിയിട്ടുണ്ട്. ഗോവയിൽ ആയിരിക്കെയും ഒരു ഐ എസ് എൽ ഷീൽഡ് ഫാൾ നേടിയിട്ടുണ്ട്. അവിടെ ഒരു സൂപ്പർ കപ്പും താരം നേടിയിട്ടുണ്ട്.
