ഇന്ത്യൻ സൂപ്പർ ലീഗ് ഫൈനലിൽ ഇന്ന് മോഹൻ ബഗാൻ മുംബൈ സിറ്റിയെ നേരിടും. ഇന്ന് മോഹൻ ബഗാന്റെ ഹോം ഗ്രൗണ്ടായ കൊൽക്കത്തയിൽ വച്ചാണ് മത്സരം നടക്കുന്നത്. സെമിഫൈനലിൽ ഒഡീഷ എഫ്സിയെ പരാജയപ്പെടുത്തി ആയിരുന്നു മോഹൻ ബഗാൻ ഫൈനലിലേക്ക് മുന്നേറിയത്. രണ്ടു പാദങ്ങളിലായി 3-2 എന്ന അഗ്രിഗേറ്റ് സ്കോറിനായിരുന്നു മോഹൻ ബഗാന്റെ വിജയം.
മുംബൈ സിറ്റി ആകട്ടെ എഫ് സി ഗോവയെ പരാജയപ്പെടുത്തിയാണ് ഫൈനലിലേക്ക് എത്തുന്നത്. മുംബൈ സിറ്റി രണ്ടു പാസങ്ങളിലായി 5-2 എന്ന് അഗ്രിഗേറ്റ് സ്കോറിൽ ആയിരുന്നു മുംബൈ സിറ്റിയുടെ വിജയം. നേരത്തെ ലീഗിൻറെ അവസാനത്തിൽ ഐഎസ്എൽ ഷീൽഡിനായി മുംബൈ സിറ്റിയും മോഹൻ ബഗാനും ഏറ്റുമുട്ടിയിരുന്നു. അന്നും ഒരു ഫൈനൽ പോലെയായിരുന്നു മത്സരം നടന്നിരുന്നത്.
അന്നത്തെ മത്സരത്തിൽ മോഹൻ ബഗാനായിരുന്നു വിജയിച്ച് ഐഎസ്എൽ ഷീൽഡ് സ്വന്തമാക്കിയത്. ഇന്ന് അതിന് പക വീട്ടുകയായിരിക്കും മുംബൈ സിറ്റിയുടെ ലക്ഷ്യം. എന്നാൽ മോഹൻ ബഗാൻ ആ വിജയം ആവർത്തിച്ച് ലീഗിൽ ഡബിൾ നേടുകയായിരിക്കും ലക്ഷ്യമിടുന്നത്.
ഇന്ന് രാത്രി 7.30ന് നടക്കുന്ന മത്സരം തത്സമയം ജിയോ സിനിമയിൽ സൗജന്യമായി കാണാം.
