2023 ഏഷ്യാ കപ്പിന്റെ സൂപ്പർ 4 ഘട്ടത്തിൽ ലിറ്റൺ ദാസ് ബംഗ്ലാദേശ് ടീമിനൊപ്പം ഉണ്ടാകും. ഓപ്പണിംഗ് ബാറ്റർ വൈറൽ ഫീവർ കാരണം ഗ്രൂപ്പ് ഘട്ടത്തിൽ ബംഗ്ലാദേശ് ടീമിനൊപ്പം ഉണ്ടായിരുന്നില്ല. ഇപ്പോൾ മെഡിക്കൽ ടീമിൽ നിന്നുള്ള ക്ലിയറൻസ് സർട്ടിഫിക്കറ്റ് കിട്ടിയ താരം ശ്രീലങ്കയിലേക്ക് എത്തി. വിക്കറ്റ് കീപ്പർ ബാറ്ററിന്റെ വരവ് ബംഗ്ലാദേശിന് വലിയ ഊർജ്ജം നൽകും.
അവിസ്മരണീയമായ സെഞ്ച്വറി നേടിയ മെഹിദി ഹസൻ മിറാസിന്റെ മികവിൽ ഞായറാഴ്ച അഫ്ഗാനിസ്ഥാനെതിരെ 89 റൺസിന് തോൽപ്പിച്ച് ബംഗ്ലാദേശ് സൂപ്പർ 4ലേക്ക് യോഗ്യത നേടിയിരുന്നു. ആദ്യ മത്സരത്തിൽ ബംഗ്ലാദേശ് അഫ്ഗാനോട് തോറ്റിരുന്നു.
