എഫ് സി ഗോവൻ താരം ലെന്നി റോഡ്രിഗസ് ക്ലബ് വിടും. താരത്തിന്റെ കരാർ ഈ സീസണോടെ അവസാനിക്കുകയാണ്‌. താരത്തെ ഫ്രീ ട്രാൻസ്ഫറിലൂടെ സ്വന്തമാക്കാൻ ഒഡീഷ എഫ് സി ശ്രമിക്കുന്നുണ്ട്‌. അടുത്തിടെ മാത്രമാണ് ലെന്നി എ ടി കെ മോഹൻ ബഗാനിൽ നിന്ന് ഗോവയിലേക്ക് മടങ്ങി എത്തിയത്. ജനുവരിയിൽ ഗോവയിലേക്ക് തിരികെ എത്തുന്നതിന് മുമ്പ് രണ്ട് വർഷത്തോളം ലെന്നി എ ടി കെ മോഹൻ ബഗാനൊപ്പം ആയിരുന്നു.
സാൽഗോക്കർ അക്കാദമിയിലൂടെ വളർന്നു വന്ന താരം ചർച്ചിൽ, ഡെംപോ, മോഹൻ ബഗാൻ എന്നീ ടീമുകളുടെ ജേഴ്സിയും അണിഞ്ഞിട്ടുണ്ട്. 2014 മുതൽ 2017 വരെ പൂനെ സിറ്റിയുടെ കൂടെയായിരുന്നു ലെന്നി ഐ എസ് എൽ കളിച്ചത്. 36കാരനായ ലെന്നി റോഡ്രിഗസ് 136 മത്സരങ്ങൾ ഐ എസ് എല്ലിൽ ആകെ കളിച്ചിട്ടുണ്ട്.
