കേരള ബ്ലാസ്റ്റേഴ്സിന്റെ ഗോൾ കീപ്പർ ആയിരിന്ന ലാറ ശർമ്മയെ എഫ് സി ഗോവ സ്വന്തമാക്കി. രണ്ട് വർഷത്തെ കരാറിൽ ആണ് താരം ഗോവൻ ക്ലബിലേക്ക് എത്തുന്നത്‌. ബെംഗളുരു എഫ്‌സിയിൽ നിന്ന് ഒരു വർഷത്തെ ലോൺ ഡീലിൽ ആയിരുന്നു ലാറ ശർമ്മ കേരള ഈ കഴിഞ്ഞ സീസണിൽ ബ്ലാസ്റ്റേഴ്സിൽ കളിച്ചത്. താരത്തെ ബ്ലാസ്റ്റേഴ്സ് സ്ഥിര കരാറിൽ സൈൻ ചെയ്യേണ്ടതില്ല എന്ന് തീരുമാനിക്കുക ആയിരുന്നു. ലാറ രണ്ടു മത്സരങ്ങൾ മാത്രമാണ് ബ്ലാസ്റ്റേഴ്സിനായി ഈ സീസണിൽ കളിച്ചത്.
ടാറ്റ ഫുട്ബോൾ അക്കാദമിയിലൂടെ വളർന്നു വന്ന താരമാണ് 25-കാരനായ ലാറ ശർമ്മ. ഇന്ത്യൻ ആരോസ്, എടികെ (റിസർവ്സ്), ബംഗളൂരു എഫ്‌സി എന്നി ക്ലബുകൾക്ക് ആയി ഇതുവരെ കളിച്ചു. ബെംഗളൂരു എഫ് സി താരം ക്ലബ് വിടുമെന്ന് കഴിഞ്ഞ ദിവസം അറിയിച്ചിരുന്നു.
