കേരള ബ്ലാസ്റ്റേഴ്സിന്റെ ഗോൾ കീപ്പർ ലാറ ശർമ്മ ക്ലബിൽ തുടരില്ല. ബെംഗളുരു എഫ്‌സിയിൽ നിന്ന് ഒരു വർഷത്തെ ലോൺ ഡീലിൽ ആയിരുന്നു ലാറ ശർമ്മ കേരള ഈ കഴിഞ്ഞ സീസണിൽ ബ്ലാസ്റ്റേഴ്സിൽ കളിച്ചത്. താരത്തെ ബ്ലാസ്റ്റേഴ്സ് സ്ഥിര കരാറിൽ സൈൻ ചെയ്യില്ല. ലാറ സീസൺ അവസാനം രണ്ടു മത്സരങ്ങൾ മാത്രമാണ് ബ്ലാസ്റ്റേഴ്സിനായി ഈ സീസണിൽ കളിച്ചത്.
ടാറ്റ ഫുട്ബോൾ അക്കാദമിയിലൂടെ വളർന്നു വന്ന താരമാണ് 25-കാരനായ ലാറ ശർമ്മ. ഇന്ത്യൻ ആരോസ്, എടികെ (റിസർവ്സ്), ബംഗളൂരു എഫ്‌സി എന്നി ക്ലബുകൾക്ക് ആയി ഇതുവരെ കളിച്ചു. താരം ഇനി എങ്ങോട്ട് പോകും എന്ന് വ്യക്തമല്ല. ബ്ലാസ്റ്റേഴ്സ് ഈ വരുന്ന ആഴ്ചയിൽ ഒരു പുതിയ ഗോൾ കീപ്പറെ സൈൻ ചെയ്യും എന്നാണ് സൂചനകൾ.
