കേരള ബ്ലാസ്റ്റേഴ്സ് ഇന്ന് ഇന്ത്യൻ സൂപ്പർ ലീഗിൽ പഞ്ചാബ് എഫ് സിയെ നേരിടും. ഇന്ന് പഞ്ചാബിന്റെ ഹോം ഗ്രൗണ്ടിൽ വെച്ചാകും മത്സരം നടക്കുക. നേരത്തെ കൊച്ചിയിൽ വെച്ച് ഇരുവരും ഏറ്റുമുട്ടിയപ്പോൾ പഞ്ചാബ് എഫ് സി വിജയിച്ചിരുന്നു. ഇന്ന് അതിന് മറുപടി നൽകാൻ ആകും കേരള ബ്ലാസ്റ്റേഴ്സ് ശ്രമിക്കുക.
കേരള ബ്ലാസ്റ്റേഴ്സിന് പ്ലേ ഓഫ് പ്രതീക്ഷകൾ നിലനിർത്താാൻ വിജയം ആവശ്യമാണ്. ഇപ്പോൾ 14 മത്സരങ്ങളിൽ നിന്ന് 14 പോയിന്റുമായി ബ്ലാസ്റ്റേഴ്സ് ലീഗിൽ പത്താം സ്ഥാനത്താണ്. 18 പോയിന്റുള്ള പഞ്ചാബ് എട്ടാം സ്ഥാനത്തും നിൽക്കുന്നു.
ഇന്ന് ജീസസും വിബിനും ബ്ലാസ്റ്റേഴ്സിന് ഒപ്പം ഉണ്ടാകില്ല. പരിക്ക് മാറിയ ഐമൻ സ്ക്വാഡിൽ ഉണ്ടാകും. രാത്രി 7.30ന് നടക്കുന്ന മത്സരം തത്സമയം ജിയോ സിനിമയിൽ കാണാം.
